ჩვენს შესახებ

ჩვენ შესახებ

არასახელმწიფო "ევროპული სკოლა" (თბილისი საქართველო)

• შპს "ევროპული სკოლა"
• მისამართი: ალ. ყაზბეგის გამზ. №34გ, 0177, თბილისი
• ტელ: (995 32) 239 44 94; (995 32) 239 59 64
• ფაქსი: (995 32) 239 54 17
• E-mail: info@europeanschool.ge
• დაარსების წელი – 2007;
• სკოლა განთავსებულია საკუთარ შენობაში, მისი ტერიტორია დაცულია;
• სკოლას აქვს სახელმწიფო ლიცენზია;
• დაკომპლექტებულია კვალიფიციური პედაგოგიური კადრებით, რომელთაგან 26 – მეცნიერებათა დოქტორია, 7 – პროფესორი, 16 – სახელმძღვანელოს ავტორი და თანაავტორი, 30 – მწვრთნელი (სწავლების თანამედროვე მეთოდიკებში); 39 – სერტიფიცირებული მასწავლებელი; 6 – ინგლისური ენის პედაგოგი საზღვარგარეთ სწავლების უფლებით ("სელტა");
• 2014-2015 სასწავლო წელს "ევროპული სკოლის" 1000 კაციან კოლექტივში 34-ზე მეტი ეროვნების წარმომადგენელი სწავლობს და მუშაობს;
• სკოლა ხელმძღვანელობს საქართველოს განათლებისა და მეციერების სამინისტროს მიერ დამტკიცებული ეროვნული სასწავლო გეგმით;
• სკოლაში ფუნქციონირებს 22 სახელოვნებო, სამეცნიერო და სპორტული კლუბი და სტუდია, მათ შორის თეატრალური და სატელევიზიო სტუდიები;
• ფუნქციონირებს 300 ადგილიანი კინო-საკონცერტო დარბაზი, 4 საკონფერენციო და სააქტო აუდიტორია, 2 საგამოცდო ოთახი, 4 ისტ - კომპიუტერული კლასი, ორი დიდი ბიბლიოთეკა და ტექნიკურად აღჭურვილი საგნობრივი ლაბორატორიები;
• ისწავლება უცხო ენები: ინგლისური, გერმანული, ფრანგული, რუსული, თურქული, იტალიური.  უცხოელი მასწავლებლები ჩართულნი არიან, როგორც საგაკვეთილო პროცესში, ასევე კლუბურ მუშაობაში. ხორციელდება ენობრივი სტაჟირებები საზღვარგარეთ;
• სკოლას აქვს ხუთი სპორტული დარბაზი, აქედან – სამი დახურული;
• მოსწავლეებს ემსახურება პედიატრი, ფსიქოლოგი, მუშაობს ლოგოპედური კაბინეტი;
• სკოლის საკაბელო ტელევიზიაში ფუნქციონირებს 137  ტელემონიტორი. გადაიცემა ინფორმაციული, შემეცნებითი, სამეცნიერო–სასწავლო პროგრამები. ESTV პირდაპირი ტრანსლაციით აჩვენებს სკოლის სპორტულ თამაშებსა და სხვადასხვა ღონისძიებას;
• ინფორმაციულ–საკომუნიკაციო სამსახურის განკარგულებაშია: 200-მდე კომპიუტერი, 34 პროექტორი და Smart Board-ის 6  ინტერაქტიული დაფა. სპეციალურად შემუშავებულმა პროგრამამ სკოლას საშუალება მისცა ფართოდ დანერგოს და საბავშვო ბაღის ასაკიდან დაიწყოს ბავშვების კომპიუტერული განათლება;
• სასკოლო ვებ–გვერდის მეშვეობით მშობელს საშუალება აქვს მუდმივი კავშირი ჰქონდეს სკოლასთან, ელექტრონული დღიურისა და მაგთის 7777 ოპერატორის მეშვეობით ოპერატიულად მიიღოს სრული ინფორმაცია შვილის აკადემიური მოსწრებისა და შემოქმედებითი წარმატებების შესახებ;
• 700 ადგილიან სასადილოში მოსწავლეები და თანამშრომლები უზრუნველყოფილი არიან უფასო კვებით და ასევე კაფეტერიის მომსახურებით;
• მოსწავლებსა და პედაგოგებს ემსახურება სკოლის სატრანსპორტო საშუალებები;
• კლასში არის არაუმეტეს 12-15 მოსწავლისა;
• სკოლამდელი აღზრდის ცენტრი 3 წლიდან იღებს ბავშვებს.

IB  პროგრამა 

• 2009 წლის 9 დეკემბერს "ევროპულმა სკოლამ" საერთაშორისო ბაკალავრიატის სადიპლომო პროგრამის ავტორიზაცია მოიპოვა; საერთაშორისო ბაკალავრიატის მსოფლიო სკოლა (IB World School) მსოფლიოში უკვე აპრობირებული მოდელია. უნიკალური წინასაუნივერსიტეტო კურსი (DP) XI და XII კლასელებს სთავაზობს ინდივიდუალურ სასწავლო გეგმას;
• 2012 წლის 2 ნოემბერს "ევროპულმა სკოლამ" მიიღო საერთაშორისო ბაკალავრიატის საბაზო პროგრამის (MYP) ავტორიზება; საერთაშორისო ბაკალავრიატის საბაზო პროგრამა (MYP) 11-დან 16 წლამდე მოსწავლებს სთავაზობს აკადემიურ გამოწვევებს და ავითარებს ცხოვრებისეულ უნარებს;
• 2014 წლის სექტემბერში "ევროპულმა სკოლამ" მიიღო საერთაშორისო ბაკალავრიატის დაწყებითი პროგრამის (PYP) კანდიდატის სტატუსი; საერთაშორისო ბაკალავრიატის დაწყებითი პროგრამა მოსწავლეებს ინტეგრირებული სწავლების სანიმუშო მოდელს სთავაზობს;
• ამჟამად "ევროპულ სკოლაში" IB DP, MYP და PYP პროგრამით სწავლობს 180 მოსწავლე.

AHS-AP პროგრამა 

• ამერიკული სკოლა (The American High School) დღესდღეობით არის სკოლების აკრედიტაციისა და განვითარების ჩრდილო-ცენტრალური ასოციაციის (NCA, CASI) აკრედიტაციის კანდიდატი;
• ამერიკული სკოლა  VIII-XII კლასის ქართველ და უცხოელ მოსწავლეებს სთავაზობს სრულყოფილ ამერიკულ სასწავლო პროგრამას;
• AP-ის (Advanced Placement) გაკვეთილები და გამოცდებისათვის მზადება მე-10 კლასიდან მნიშვნელოვან ადგილს  იკავებს სასწავლო გეგმაში;
• AED მოსწავლეებს სთავაზობს ახალ, ამერიკულ საგანმანათლებლო პროგრამებს, რომლებიც მათ დაეხმარება წარმატებით გააგრძელონ სწავლა ამერიკულ კოლეჯებსა და უნივერსიტეტებში;
• AED გვთავაზობს AP პროგრამას, PSAT-ის ტესტებსა და SAT-ის მოსამზადებელ კურსს;
• 2012 წლიდან AED-მ მოიპოვა ლიცენზია და ატარებს გამოცდებს PSAT-ის, SAT-ისა და AP-ის პროგრამებში.